KRISESENTERSEKRETARIATET
Mariboes gate 13, 0183 Oslo
Telefon: 905 79 118
E-post: post@krisesenter.com
Org.nr: 971 382 325
STØTT OSS
Vipps til: 22257
Kontonr.: 1607 43 15031
Heahteguovddáščállingoddi lea Norgga heahteguovddážiid sorjákeahtes goavdeorganisašuvdna mii bargá dan ovdii ahte boahtteáiggiii galgga leat veahkaválddálašvuohta nissonolbmuid vuostá, ii ge veahkaválddálašvuohta lagas oktavuođain, ja bargá maid dan ovdii ahte nannet heahteguovddášfálaldaga.
Veahkaválddálašvuohta ja veagalváldin lagas oktavuođain lea mearkkašahtti servodatváttisvuohta ja duođalaš olmmošrievttalaš hástalus, sihke ovttaskas olbmuide ja servodahkii. Buot man ovddas mii áŋgiruššat, buot surggiin, lea dan ovdii ahte buohkat galget beassat eallit árvvolaš eallima veahkaválddálašvuođa haga.
Heahteguovddáš lea fálaldat dutnje guhte leat vásihan ahte beallelaš, bearaš dahje eará du lagasolmmoš lea leamašan veahkaválddálaš duinna dahje ahte lea veagalváldán du. Dus ii dárbbaš leat akuhtta heahti oažžut veahki heahteguovddážis. Guovddážat fállet suodjalusa, sihkarvuođa, rávvagiid ja bagadallamiid rávisolbmuide ja mánáide. Sáhtát váldit oktavuođa heahteguovddážiin vaikko goas telefovnna bokte mii lea rabas birra jándora. Dat lea nuvttá. Gávnna lagamus heahteguovddáža dáppe.
Čállingoddi hálddaša maid VO-linjjá ja ROSA.
Veahkaválddálašvuođa- ja veagalváldinlinjá lea nuvttá veahkkelinjá telefovnna ja chat bokte buohkaide geat vásihit veahkaválddálašvuođa dahje veagalváldima lagas oktavuođain. Sáhtát váldit oktavuođa singuin áibbas anonyma: 116 006.
ROSA (Dár. Reetablering – Oppholdssteder – Sikkerhet – Assistanse, Ođđasisásaheapmi – Orrunsajit – Sihkarvuohta – Veahkki), lea veahkkedoaibmabidju mii suodjala, veahkeha ja bagadallá olbmuid geat leat vásihan olmmošgávppašeami. Sidjiide lea nuvttá riŋget dán nr. bokte: 22 33 11 60.